ខ្សែភាពយន្ដខ្នាតធំ រឿង”ប្រវត្ដិស្នេហ៍នាងនាថ” វគ្គ២ ឬជើងមេឃពណ៌ស្វាយ បានសម្ពោធដាក់បញ្ចាំងជាផ្លូវការហើយនៅយប់ថ្ងៃទី១៥ ខែកញ្ញា ឆ្នាំ២០២៤ នាផ្សារទំនើប AEON 3 មានជ័យ។ ពិធីសម្ពោធដែលមានការអញ្ជើញចូលរួមអបអរសាទរដោយផលិតករ សិល្បករ-សិល្បការិនីល្បីៗ និងហ្វេនៗរបស់តួជាច្រើន បានបង្ហាញអារម្មណ៍ពេញចិត្ដចំពោះរឿងមួយនេះ។

សម្រាប់អ្នកស្រីបានដឹងចម្លើយនេះរួចទៅហើយ ប៉ុន្ដែមហាជនដែលទើបតែបានទស្សនា Trailer ឬស្ដាប់គេនិយាយនៅក្នុងឈុតណាមួយនោះ អាចនៅងឿងឆ្ងល់។ តាមរយៈការទស្សនាយ៉ាងជក់ចិត្ដ អ្នកស្រីបង្ហើបថា មុននាយវង្ស ត្រូវស្លាប់យ៉ាងតៃហោងនៅលើដើមឈើមុខផ្ទះនាងនាថដោយព្យួរកនេះ គឺនាងនាថទទួលរងនូវការធ្វើទុក្ខបុកម្មេញខ្លាំងណាស់ពីអ្នកភូមិ និងនាយវង្សផ្ទាល់ ដោយនាយវង្សគឺជាមនុស្សកំពូល្បិចបញ្ឆេះកំហឹងឲ្យអ្នកភូមិស្អប់នាងនាថ។

សូមបញ្ជាក់ថា ខ្សែភាពយន្ដរឿង “ប្រវត្ដិស្នេហ៍នាងនាថ”វគ្គ២ ឬជើងមេឃពណ៌ស្វាយ នឹងមានចាក់បញ្ចាំងនៅគ្រប់រោងភាពយន្ដចាប់ពីថ្ងៃទី១៩ ខែកញ្ញា ឆ្នាំ២០២៤ បន្ទាប់ពីរៀបចំពិធីសម្ពោធចាក់បញ្ចាំងដ៏ធំនៅរោងកុន Major Cineplex ផ្សារទំនើប Aeon 3។ ក្នុងឱកាសនោះ គេឃើញវត្ដមានផលិតករ និងតារាល្បីៗដូចជា៖ លោក ហ្វៃ សំអាង លោក លៀក លីដា នាយពាក់មី អ៊ីណូ ពេជ្រ សោភា ភុល សុវណ្ណដានីន មាលា និងតារាល្បីៗជាច្រើនដួងទៀត៕